ថ្ងៃព្រហស្បតិ៍ ទី២៨ ខែមករា ឆ្នាំ២០២១
គេហទំព័រ NNC
បន​ល្បែង​សង្វៀន​ជល់​មាន់ វង់​អាប៉ោង យូគី ស៊ីសង​កើតឡើង​ពេញបន្ទុក​ក្នុង​ក្រុង​បាន​លុង ខេត្ត​រតនគិរី ធ្វើឲ្យ​ប្រជាពលរដ្ឋ​ព្រួយបារម្ភ​ពី​បញ្ហា​អស​ន្តិ​សុខ​សង្គម​
Sat,21 November 2020 (Time 08:53 AM)
ដោយ ៖ ថៃ ប៊ុន​រិទ្ធ (ចំនួនអ្នកអាន: 58នាក់)

សេចក្តីរាយការណ៍​ពី​ប្រជាពលរដ្ឋ​នៅក្នុង​សង្កាត់​យក្ខ​ឡោម និង​សង្កាត់​ឡា​បាន​សៀក ក្រុង​បាន​លុង ខេត្ត​រតនគិរី បាន​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ​និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ ចាត់វិធានការ​បង្ក្រាប​ល្បែងស៊ីសង​ខុសច្បាប់​ក្នុង​មូលដ្ឋាន​ពួកគាត់​ជា​បន្ទាន់​។ ដោយហេតុ​ថា លោក ថង សាវុន អភិបាលខេត្ត​រតនគិរី និង​លោក យិន ចំណាន ស្នងការ​នគរបាល​ខេត្ត​រតនគិរី មិន​ចាត់​វិធានការ​បង្ក្រាប​ល្បែងស៊ីសង​ខុសច្បាប់​ដែល​កើតឡើង​យ៉ាង​គំហុក​នោះ​ទេ​។ ផ្ទុយ​ទៅ​វិញ​លោក ថង សាវុន និង​លោក យិន ចំណាន បណ្តោយ​ឲ្យ​សមត្ថកិច្ច​និង​មន្ត្រី​អាជ្ញាធរ​មូលដ្ឋាន​ធ្វើ​អ្វីៗ​តាម​អំពើ​ចិត្ត មិន​ខ្វល់​ពី​ការភ័យខ្លាច​របស់​ប្រជាពលរដ្ឋ​នោះ​ទេ​។​

​សេចក្តីរាយការណ៍​ពី​ប្រជាពលរដ្ឋ​ក្នុងភូមិ​ភ្នំ​ធំ សង្កាត់​យក្ខ​ឡោម ក្រុង​បាន​លុង បានឲ្យដឹងថា ក្នុង​មូលដ្ឋាន​ពួកគាត់​មាន​សង្វៀន​បញ្ជល់មាន់​និង​វង់​អាប៉ោង​យូគី​ទ្រង់ទ្រាយ​ធំ​បើក​ដំណើរការ​យ៉ាង​រលូន ព្រោះ​សមត្ថកិច្ច​នគរបាល​សង្កាត់​យក្ខ​ឡោម និង​អធិការ​នគរបាល​ក្រុង​បាន​លុង មិន​ចាត់​វិធានការ​បង្ក្រាប​ឡើយ​។

ចំណែក​ប្រភពពី​ប្រជាពលរដ្ឋ​ក្នុងភូមិ​បឹង​កន្សែង សង្កាត់​ឡា​បាន​សៀក ក្រុង​បាន​លុង ក៏​បានឲ្យ​ដឹង​ដែរថា ក្នុង​មូលដ្ឋាន​ពួកគាត់​មាន​សង្វៀន​បញ្ជល់មាន់​និង​វង់​អាប៉ោង​យូគី​បើក​លេង​តាម​អំពើ​ចិត្ត ហើយ​មាន​អ្នកចូលរួម​លេង​យ៉ាង​គគ្រឹកគគ្រេង​ជា​រៀងរាល់ថ្ងៃ​។

ប្រជាពលរដ្ឋ​បាន​លើកឡើង​ថា បើ​គ្មាន​ការបើក​ដៃ​ពី​សំណាក់​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​ទេ​នោះ​គឺ​ល្បែងស៊ីសង​ខុសច្បាប់​មិន​អាច​ប្រព្រឹត្ត​យ៉ាង​ពេញបន្ទុក​បានឡើយ​។​

សេចក្តីរាយការណ៍​ពី​ប្រជាពលរដ្ឋ​ក្នុង​សង្កាត់​ឡា​បាន​សៀក និង​សង្កាត់​យក្ខ​ឡោម បានឲ្យដឹងថា ដោយសារ​ល្បែងស៊ីសង​ខុសច្បាប់​នោះ​ហើយ​ទើប​បច្ចុប្បន្ន​ក្នុង​មូលដ្ឋាន​ពួក​គាត់​កើត​មាន​អំពើ​ចោរកម្ម​និង​បទល្មើស​ផ្សេងៗ​គួរ​ឲ្យ​ភ័យខ្លាច ចំណែក​មន្ត្រី​អាជ្ញាធរ​និង​សមត្ថកិច្ច​មូលដ្ឋាន​សម្ងំ​ស្ងាត់ឈឹង​។
ប្រជាពលរដ្ឋ​ក្នុង​សង្កាត់​ឡា​បាន​សៀក បានឲ្យដឹងថា សង្វៀន​បញ្ជល់មាន់​និង​វង់​អាប៉ោង​យូគី ក្នុង​ភូមិ​បឹង​កន្សែង​បិទ​បានតែ​៣​ថ្ងៃ ក៏​បើក​ដំណើរការ​ឡើងវិញ​យ៉ាង​រលូន​ហើយ​មាន​អ្នក​ចូល​លេង​ច្រើន​ជាង​មុន​ទៅ​ទៀត​។ ដូច្នេះហើយ​ទើប​ប្រជាពលរដ្ឋ​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ​និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ ពិនិត្យ​ឡើងវិញ​ជា​បន្ទាន់​អំពី​បញ្ហា​នេះ​ហើយ​មិន​គួរ​មើលរំលង​ភាព​អសកម្ម​របស់លោក ថង សាវុន អភិបាលខេត្ត​រតនគិរី និង​លោក យិន ចំណាន ស្នងការ​នគរបាល​ខេត្ត​រតនគិរី នោះទេ​៕

ព័ត៌មានគួរចាប់អារម្មណ៍

​មេ​ឈ្មួញ​ឈើ​នៅ​តែ​ធ្វើ​សកម្មភាព​ដឹកជញ្ជូន​ឈើ​ចេញពី​ស្រុក​កែវ​សីមា ខេត្ត​មណ្ឌលគិរី យ៉ាង​គគ្រឹកគគ្រេង អាជ្ញាធរ និង​សមត្ថកិច្ច​មិន​ហ៊ាន​បង្ក្រាប​ (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

លោក អ៊ូ ឆាយ មេ​ឆ្នោត​យួន​ខុសច្បាប់​​រាជធានី​ភ្នំពេញ អាជ្ញាធរ និង​សមត្ថកិច្ច​ពាក់​ពន្ធ៏​មិន​ហ៊ាន​បង្កាប​? (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
21 នាក់
ម្សិលមិញ :
56 នាក់
សប្តាហ៍នេះ :
655 នាក់
ខែនេះ :
2362 នាក់
3 ខែនេះ :
5219 នាក់
សរុប :
302380 នាក់