ថ្ងៃព្រហស្បតិ៍ ទី២១ ខែមករា ឆ្នាំ២០២១
គេហទំព័រ NNC
​ល្បែងស៊ីសង​នៅ​ជាន់​ទី​៣​ផ្សារ​ស្ទឹងមានជ័យ​ថ្មី កំពុងបើក​ដំណើរការ​ឡើងវិញ​យ៉ាង​គគ្រឹកគគ្រេង​
Sat,21 November 2020 (Time 08:55 AM)
ដោយ ៖ ថៃ ប៊ុន​រិទ្ធ (ចំនួនអ្នកអាន: 58នាក់)

សេចក្តីរាយការណ៍​ពី​ក្រុម​អាជីវករ​នៅ​ផ្សារ​ស្ទឹងមានជ័យ​ថ្មី បានឲ្យដឹងថា ហ្គេម​បាញ់​ត្រី​និង​ល្បែងស៊ីសង​ច្រើន​ប្រភេទ​ជ្រក​ក្រោម​យីហោ មណ្ឌល​កំសាន្ត វ៉ាន់ដា នៅ​ជាន់​ទី​៣ ផ្សារ​ស្ទឹងមានជ័យ​ថ្មី សង្កាត់​ស្ទឹងមានជ័យ​ទី​១ ខណ្ឌមានជ័យ កំពុងបើក​ដំណើរការ​ឡើងវិញ​យ៉ាង​សុខ​ស្រួល​។

ប្រភព​បានឲ្យដឹង​ទៀតថា កន្លង​មក​ល្បែងស៊ីសង​ជ្រក​ក្រោម​យីហោ មណ្ឌល​កំសាន្ត វ៉ាន់ដា នៅ​ជាន់​ទី​៣​ផ្សារ​ស្ទឹងមានជ័យ​ថ្មី ត្រូវ​បាន​បិទ​មួយ​រយៈពេល​ខ្លី ហើយ​ឥឡូវនេះ​ស្រាប់តែ​បើក​ឡើង​វិញ​យ៉ាង​រលូន​។ ចំណែក​លោក ពេជ្រ កែវ​មុនី អភិបាលខណ្ឌ​មានជ័យ និង​លោក ម៉េង វិមាន​តារា អធិការ​នគរបាល​ខណ្ឌមានជ័យ កំពុង​រក្សា​ភាព​ស្ងៀមស្ងាត់​ទុកឲ្យ​ល្បែងស៊ីសង​កើតឡើង​យ៉ាង​រាលដាល​។​

តាម​ការអះអាង​របស់​ក្រុម​អាជីវករ​នៅ​ផ្សារ​ស្ទឹងមានជ័យ​ថ្មី បានឲ្យដឹងថា ក្រោយពេល​ល្បែងស៊ីសង​ជ្រក​ក្រោម​យីហោ មណ្ឌល​កំសាន្ត វ៉ាន់ដា បើក​ដំណើរការ​ឡើងវិញ​គឺ​មាន​អ្នក​ចូល​លេង​យ៉ាង​ពពាក់ពពូន​មិន​ខ្លាច​ឆ្លង​ជំងឺ​កូវី​ដ​-១៩ នោះទេ​។ ដូច្នេះ​លោក ឃួ​ង ស្រេង អភិបាល​រាជធានី​ភ្នំពេញ​និង​លោក ស ថេត ស្នងការ​នគរបាល​រាជធានី​ភ្នំពេញ គួរ​ពិនិត្យ​ឡើងវិញ​ជាបន្ទាន់ ព្រោះ​ល្បែងស៊ីសង​ជ្រក​ក្រោម​យីហោ មណ្ឌល​កំសាន្ត វ៉ាន់ដា ត្រូវ​បិទ​បានតែ​ក្នុង​រយៈពេល​ខ្លី ហើយ​បើក​ឡើង​វិញ​យ៉ាង​ស្រួលៗ​តែម្តង​។

ប្រភព​ខ្លះ​បង្ហើប​ឲ្យដឹងថា ទំនង​ជា​ម្ចាស់​មណ្ឌល​កំសាន្ត វ៉ាន់ដា មាន​ខ្នងបង្អែក​ក្រាស់​ឬ​មាន​ការបើក​ដៃ​ពី​សំណាក់​សមត្ថកិច្ច​និង​មន្ត្រី​អាជ្ញាធរ​មូលដ្ឋាន​ទើប​ល្បែងស៊ីសង​ជ្រក​ក្រោម​យីហោ មណ្ឌល​កំសាន្ត វ៉ាន់ដា អាច​ដំណើរការ​ឡើងវិញ​យ៉ាង​ពេញបន្ទុក​។​

​សេចក្តីរាយការណ៍​ពី​ប្រជាពលរដ្ឋ​ក្នុង​សង្កាត់​ស្ទឹងមានជ័យ​ទី​១ បាន​កត់សម្គាល់​ថា ដោយសារ​ល្បែងស៊ីសង​ជ្រក​ក្រោម​យីហោ មណ្ឌល​កំសាន្ត វ៉ាន់ដា នោះ​ហើយ​ទើប​នៅក្នុង​មូលដ្ឋាន​ពួកគាត់​កើតមាន​អំពើ​ចោរកម្ម​និង​បទល្មើស​ផ្សេងៗ​គួរ​ឲ្យ​ភ័យខ្លាច​។

ប្រជាពលរដ្ឋ​បាន​រិះគន់ថា បើ​គ្មាន​ការបើក​ដៃ​ពី​សំណាក់​មន្ត្រី​អាជ្ញាធរ​និង​សមត្ថកិច្ច​ថ្នាក់​សង្កាត់​ថ្នាក់​ខណ្ឌ​ទេ​នោះ​គឺ​ល្បែងស៊ីសង​ជ្រក​ក្រោម​យីហោ មណ្ឌល​កំសាន្ត វ៉ាន់ដា មិន​អាច​បើក​ដំណើរការ​ឡើងវិញ​យ៉ាង​ស្រួលៗ​បានឡើយ​។ ហេតុនេះហើយ​ទើប​ប្រជាពលរដ្ឋ​អំពាវនាវ​ឲ្យ​លោក ស ថេត ស្នងការ​នគរបាល​រាជធានី​ភ្នំពេញ និង​លោក ឃួ​ង ស្រេង អភិបាល​រាជធានី​ភ្នំពេញ ចាត់វិធានការ​បង្ក្រាប​ល្បែងស៊ីសង​ក្នុង​សង្កាត់​ស្ទឹងមានជ័យ​ទី​១ ជា​បន្ទាន់​ដើម្បី​ពង្រឹង​សន្តិសុខ​សង្គម​ឲ្យបាន​ប្រសើរ​ឡើង​វិញ​៕

ព័ត៌មានគួរចាប់អារម្មណ៍

​មេ​ឈ្មួញ​ឈើ​នៅ​តែ​ធ្វើ​សកម្មភាព​ដឹកជញ្ជូន​ឈើ​ចេញពី​ស្រុក​កែវ​សីមា ខេត្ត​មណ្ឌលគិរី យ៉ាង​គគ្រឹកគគ្រេង អាជ្ញាធរ និង​សមត្ថកិច្ច​មិន​ហ៊ាន​បង្ក្រាប​ (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

លោក អ៊ូ ឆាយ មេ​ឆ្នោត​យួន​ខុសច្បាប់​​រាជធានី​ភ្នំពេញ អាជ្ញាធរ និង​សមត្ថកិច្ច​ពាក់​ពន្ធ៏​មិន​ហ៊ាន​បង្កាប​? (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
50 នាក់
ម្សិលមិញ :
36 នាក់
សប្តាហ៍នេះ :
671 នាក់
ខែនេះ :
2043 នាក់
3 ខែនេះ :
5192 នាក់
សរុប :
301631 នាក់