ក្រោយពីមានព្រឹត្តិការណ៍សហគមន៍២៨វិច្ឆិកា បានផ្ទុះឡើង នៅយប់ថ្ងៃទី០១ខែធ្នូ ឆ្នាំ២០២០ សម្តេចអគ្គមហាសេនាបតីតេជោ ហ៊ុន សែន បានសម្រេចបញ្ចេញម៉ាសចំនួន២លានបន្ថែមទៀត សម្រាប់ចែកជូនដល់ប្រជាពលរដ្ឋ ដោយ១លានសម្រាប់រាជធានីភ្នំពេញ និង ១លានសម្រាប់ ខេត្តសៀមរាប។ នេះជាលើកទី២ហើយ ដែលសម្តេច តេជោ បានបញ្ចេញម៉ាស ចែកជូនដល់ពលរដ្ឋ ដែលកាលពីលើកទី១ សម្តេចក៏បានបញ្ចេញម៉ាសចំនួន២លានដូចគ្នា។នៅយប់ថ្ងៃដដែលនេះ ដោយបានទទួលភារកិច្ចពី ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ និងក្រោមការចង្អុលបង្ហាញពីលោកនាយឧត្តមសេនីយ៍ សៅ សុខា អគ្គមេបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលើផ្ទៃប្រទេស កម្លាំងអាវុធហត្ថរាជធានីភ្នំពេញ ក្រោមការបញ្ជាផ្ទាល់របស់ លោកឧត្តមសេនីយ៍ឯក រ័ត្ន ស្រ៊ាង មេបញ្ជាការរងកងរាជអាវុធហត្ថលើផ្ទៃប្រទេស និងជាមេបញ្ជាការកងរាជអាវុធហត្ថរាជធានីភ្នំពេញ បានចេញប្រតិបត្តិការ ជួយដឹកជញ្ជូនម៉ាសពីឃ្លាំងយុទ្ធសាស្ត្ររបស់រាជរដ្ឋាភិបាល ឆ្ពោះទៅសាលារាជធានីភ្នំពេញ សម្រាប់ចែកជូនប្រជាពលរដ្ឋ។ព្រមជាមួយគ្នានេះផងដែរ ថ្ងៃទី០២ ខែធ្នូ ឆ្នាំ២០២០ ដោយមិនបង្អង់យូរ ឯកឧត្តម ឃួង ស្រេង និង លោកឧត្តមសេនីយ៍ឯក រ័ត្ន ស្រ៊ាង បានដឹកនាំក្រុមការងារដោយផ្ទាល់ ចុះធ្វើការចែកម៉ាស ជូនដល់ប្រជាពលរដ្ឋ ក្នុងភូមិសាស្ត្រជាច្រើនទៀតក្នុងរាជធានីភ្នំពេញជាបណ្ដើរៗ និងឆ្លៀតឱកាសធ្វើការ ផ្សព្វផ្សាយសេចក្ដីណែនាំ តាមរយៈសារសម្លេង ដែលអាវុធហត្ថរាជនីភ្នំពេញ ចងក្រងឡើង ចាក់ផ្សាយតាមឧគ្ឃោសនស័ព្ទបំពាក់នៅលើម៉ូតូកង់បីរបស់អាវុធហត្ថរាជធានីភ្នំពេញ ស្តីពីការ បង្ការ ទប់ស្កាត់ ការឆ្លងរីករាលដាល នូវជំងឺ កូវីដ-១៩ ដើម្បីរំលឹកដល់ពលរដ្ឋទូទៅ ឲ្យចូលរួម បង្ការ ទប់ស្កាត់ នូវជំងឺដ៏កាចសាហាវមួយនេះ ទាំងអស់គ្នា៕
ព័ត៌មានគួរចាប់អារម្មណ៍
មេឈ្មួញឈើនៅតែធ្វើសកម្មភាពដឹកជញ្ជូនឈើចេញពីស្រុកកែវសីមា ខេត្តមណ្ឌលគិរី យ៉ាងគគ្រឹកគគ្រេង អាជ្ញាធរ និងសមត្ថកិច្ចមិនហ៊ានបង្ក្រាប (ថៃ ប៊ុនរិទ្ធិ)
លោក អ៊ូ ឆាយ មេឆ្នោតយួនខុសច្បាប់រាជធានីភ្នំពេញ អាជ្ញាធរ និងសមត្ថកិច្ចពាក់ពន្ធ៏មិនហ៊ានបង្កាប? (ថៃ ប៊ុនរិទ្ធិ)
ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)
ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)
វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)
វីដែអូ
ចំនួនអ្នកទស្សនា