ថ្ងៃពុធ ទី១៩ ខែឧសភា ឆ្នាំ២០២១
គេហទំព័រ NNC
ឧត្តមសេនីយ៍ឯក រ័ត្ន ស្រ៊ាង គាំទ្រ​ការរីកចម្រើន វិស័យ​បាល់ទាត់ នៅ​សាលា​បាក់​ទូក​!
Wed,10 February 2021 (Time 07:34 AM)
ដោយ ៖ NNC Tv Online (ចំនួនអ្នកអាន: 83នាក់)

NNC Tv Online
http://nnc.metkhmer.club/
Tel: ០៧០៨២១៩៩៣

ភ្នំពេញ ៖ នៅ​ព្រឹក​ថ្ងៃទី​០៧ ខែ​កុម្ភៈ ឆ្នាំ​២០២១ លោក​ឧត្តមសេនីយ៍ឯក រ័ត្ន ស្រ៊ាង មេបញ្ជាការរង កងរាជអាវុធហត្ថ​លើ​ផ្ទៃ​ប្រទេស មេបញ្ជាការ កងរាជអាវុធហត្ថ​រាជធានី​ភ្នំពេញ​បាន​អញ្ជើញ​ជា​អធិបតី​ក្នុង​ពិធី​សំណេះសំណាល​ជាមួយ លោកគ្រូ​អ្នកគ្រូ​ចូលនិវត្តន៍ និង​សម្ពោធ​ដាក់ឲ្យ​ដំណើរការ​ប្រើប្រាស់​ជា​ផ្លូវការ​ទីលាន​បាល់ទាត់​នៃ​វិទ្យាល័យ​បាក់​ទូក ក្រោយពី​បាន​រៀបចំ​កែលម្អ​បន្ថែម​ជាថ្មី ក្រោម​កិច្ចសហការ​ជាមួយ​ដៃគូរ​អភិវឌ្ឍន៍​ដែល​មាន​បទពិសោធន៍​រៀបចំ​តារាង​បាល់ទាត់ ក្រាល​ស្មៅ​សិប្ប​និមិត្ត​។​

ក្នុងឱកាស​នោះ ក៏​មាន​ការចូលរួម​ពី ឯកឧត្តម ឌួង មាស​ចម្រើន អគ្គនាយករង នៃ​អគ្គនាយកដ្ឋាន​កីឡា ក្រសួង​អប់រំ​យុវជន និង​កីឡា លោក ហែម ស៊ីណា​រ៉េត ប្រធាន​មន្ទីរ​អប់រំ យុវជន​និង​កីឡា រាជធានី​ភ្នំពេញ លោក តូច កន្តាល់ នាយក​វិទ្យាល័យ​បាក់​ទូក លោក​បណ្ឌិត អ៊ឹម​សុធារិទ្ធ តំណាង​ក្រុមហ៊ុន ជីប ម៉ុង លោក សោម សុ​និមិត្ត តំណាង​ដៃគូ​អភិវឌ្ឍ​តារាង​បាល់ទាត់ និង លោក លោកស្រី នាយករង​-​បុគ្គលិក​សិក្សា អតីត​លោកគ្រូ​អ្នកគ្រូ អតីត​សិស្ស សាលា​បាក់​ទូក នាយទាហាន នាយទាហានរង នៃ​កងរាជអាវុធហត្ថ​រាជធានី​ភ្នំពេញ គណ​:​កម្ម​ការរៀបចំ​ការប្រកួត ក្រុម​កីឡាករ​បាល់ទាត់ ព្រមទាំង​ក្មួយៗ សិស្សានុសិស្ស​ជា​ច្រើន​រូប​ទៀត​។​

លោក​ឧត្តមសេនីយ៍ឯក រ័ត្ន ស្រ៊ាង បាន​មាន​ប្រសា​ស​ថា ការជ្រើសរើស​ដៃគូ​អភិវឌ្ឍន៍ របស់​គណៈកម្មការ ទ្រទ្រង់​សាលា គណៈនាយក​សាលា និង​ក្រុមបច្ចេកទេស នៃ​សាលា​បាក់​ទូក មក​អភិវឌ្ឍន៍​នូវ​តារាង​បាល់ទាត់ គឺជា​ការ រីកចម្រើន​ថ្មី​មួយ​របស់​សាលា​ស្រប​តាម​ការរីកចម្រើន​របស់​ប្រទេសជាតិ នា​សម័យ​បច្ចុប្បន្ន ដែលមាន​សម្តេច​អគ្គមហាសេនាបតី តេ​ជោ ហ៊ុន សែន ជា​ប្រមុខ​ដឹកនាំ​ប្រកបដោយ គតិបណ្ឌិត ដូច្នេះ​លោក​សង្ឃឹមថា តារាង​បាល់ទាត់​មួយ​នេះ នឹង​បាន​ជា​ប្រយោជន៍ ដល់​ប្អូនៗ​យុវជន​ជំនាន់​ក្រោយ ក្នុង​ការលើកស្ទួយ​វិស័យ​បាល់ទាត់​ឲ្យ​រីកចម្រើនត​ទៅ និង​ជួយ​លើកមុខ​លើក​មាត់ ប្រទេសជាតិ​យើង នៅលើ​ឆាក​អន្តរជាតិ​។​

​បន្ទាប់​ពី​កាត់​ខ្សែបូរ សម្ពោធ​ទីលាន​បាល់ទាត់​រួច គណអធិបតី និង​ភ្ញៀវ​កិត្តិយស​ទាំងអស់ បាននាំគ្នា​ទស្សនា ការប្រកួត​ផ្តាច់​ព្រ័ត យក​ចំណាត់ថ្នាក់​លេខ​១ លេខ​២ និង​លេខ​៣ រហូត​ចប់​កា​ប្រកួត និង​បាន​ប្រគល់​មេដាយ​ពានរង្វាន់​ជ័យលាភី​ដល់​ក្រុម​កីឡាបាល់ទាត់​ទាំង​៣​ចំណាត់​ថ្នាក់​ខាងលើ មាន មេដាយមាស ប្រាក់ និង​សំរិទ្ធ ថវិកា​លើកទឹកចិត្ត មី ភេសជ្ជៈ​មួយចំនួន និង​បាល់ទាត់ ផងដែរ​៕

ព័ត៌មានគួរចាប់អារម្មណ៍

​មេ​ឈ្មួញ​ឈើ​នៅ​តែ​ធ្វើ​សកម្មភាព​ដឹកជញ្ជូន​ឈើ​ចេញពី​ស្រុក​កែវ​សីមា ខេត្ត​មណ្ឌលគិរី យ៉ាង​គគ្រឹកគគ្រេង អាជ្ញាធរ និង​សមត្ថកិច្ច​មិន​ហ៊ាន​បង្ក្រាប​ (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

លោក អ៊ូ ឆាយ មេ​ឆ្នោត​យួន​ខុសច្បាប់​​រាជធានី​ភ្នំពេញ អាជ្ញាធរ និង​សមត្ថកិច្ច​ពាក់​ពន្ធ៏​មិន​ហ៊ាន​បង្កាប​? (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
33 នាក់
ម្សិលមិញ :
64 នាក់
សប្តាហ៍នេះ :
1245 នាក់
ខែនេះ :
3903 នាក់
3 ខែនេះ :
13911 នាក់
សរុប :
317623 នាក់