ថ្ងៃច័ន្ទ ទី០១ ខែមីនា ឆ្នាំ២០២១
គេហទំព័រ NNC
​មេ​គយ​ខេត្ត​ឧត្តរមានជ័យ លោក ឈុន សុភមង្គល បើកដៃ​ឲ្យ​មេៗ​គយ​តាម​ច្រកព្រំដែន​ ​យ៉ាង​គគ្រឹកគគ្រេង​
Sat,06 February 2021 (Time 06:18 AM)
ដោយ ៖ NNC (ចំនួនអ្នកអាន: 3នាក់)

កណ្តាល​, ថ្ងៃទី ០៦ ខែ កុម្ភៈ ឆ្នាំ​២០២១(​ម៉ោង 2:30)
​ដោយ​៖ ថៃ ប៊ុន​រិទ្ធ​
​សេចក្តីរាយការណ៍​ពី​អ្នក​ស្និទ្ធ​នឹង​លោក ឈុន សុភមង្គល ប្រធាន​សាខាគយ​ខេត្ត​ឧត្តរមានជ័យ បានឲ្យដឹងថា នៅ​ដើមឆ្នាំ​២០២១​នេះ លោក ឈុន សុភមង្គល បើកដៃ​ឲ្យ​ប្រធានការិយាល័យ​គយ​នៅ​ច្រកទ្វារ​អន្តរជាតិ​ជាំ ស្រុក​អន្លង់វែង ក៏​ដូចជា​ប្រធាន​ការិយាល័គយ​នៅ​ច្រក​ទ្វារ​អន្តរជាតិ​អូរ​ស្មាច់ ក្រុង​សំរោង និង​នៅ​ច្រក​ជប់​គគីរ ស្រុក​បន្ទាយ​អំពិល​ធ្វើ​អ្វីៗ​តាម​អំពើ​ចិត្ត​។

​ក្នុងនោះ​លោក កែវ សារ៉ាត់ ប្រធានការិយាល័យ​គយ​ច្រកទ្វារ​អន្តរជាតិ​ជាំ ស្រុក​អន្លង់វែង ឃុបឃិត​ឲ្យ​ឈ្មួញ​ធំៗ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់​និង​ទំនិញ​ខុស​ច្បាប់​យ៉ាង​រលូន​។ ការដែល​លោក កែវ សារ៉ាត់ ប្រធានការិយាល័យ​គយ​ច្រកទ្វារ​អន្តរជាតិ​ជាំ ហ៊ាន​ធ្វើ​អ្វីៗ​តាម​អំពើ​ចិត្ត​គឺ​ដោយសា​រអាង​មាន​លោក ឈុន សុភមង្គល ប្រធាន​សាខាគយ​ខេត្ត​ឧត្តរមានជ័យ ជា​បង្អែក​ដ៏​រឹងមាំ​។​

​តាម​ការ​បង្ហើប​ពី​មន្ត្រី​ពាក់ព័ន្ធ​នៅ​ច្រក​ទ្វារ​អន្តរជាតិ​ជាំ បានឲ្យដឹងថា ចាប់តាំងពី​ដើម​ខែ​មករា ឆ្នាំ​២០២១ រហូតមកដល់​ពេលនេះ​គឺ​លោក កែវ សារ៉ាត់ មេ​គយ​ច្រកទ្វារ​អន្តរជាតិ​ជាំ ឃុបឃិត​ឲ្យ​ឈ្មួញ​នាំ​ចូល​ទំនិញ​គេច​ពន្ធ ទំនិញ​បង់ពន្ធ​មិន​គ្រប់​និង​ទំនិញ​ខុស​ច្បាប់​យ៉ាង​សុខ​ស្រួល​។​ដូច្នេះហើយ​ទើប​ក្រុម​គយ​ចល័ត​ក្រសួង​ឈរជើង​នៅ​ស្នាក់ការ​ចំណុច​ភូមិ​ជើងភ្នំ ឃុំ​ត្រពាំង​ប្រី​យ៍ ស្រុក​អន្លង់វែង គាប​យក​លុយ​លើ​តុ​ក្រោម​តុ​ពី​ក្រុម​ឈ្មួញ​និង​អាជីវករ​តាម​អំពើ​ចិត្ត​។

​ចំណែក​លោក ឈុន សុភមង្គល ប្រធាន​សាខាគយ​ខេត្ត​ឧត្តរមានជ័យ សម្ងំ​ទទួល​ផលប្រយោជន៍​យ៉ាង​ត្រជាក់ចិត្ត​ព្រោះ​ក្រុម​ឈ្មួញ​ដែល​នាំចូល​ទំនិញគេចពន្ធ​ទំនិញ​បង់ពន្ធ​មិន​គ្រប់​និង​ទំនិញ​ខុស​ច្បាប់​តាម​ច្រកទ្វារ​អន្តរជាតិ​ជាំ គឺជា​ប្រភព​ចំណូល​ដ៏​សំខាន់​របស់​លោក ឈុន សុភមង្គល ប្រធាន​សាខាគយ​ខេត្ត​ឧត្តរមានជ័យ ដែល​កំពុង​សាង​ភាពល្បីល្បាញ​ខាង​ពុករលួយ​។​

​សេចក្តីរាយការណ៍​ពី​ស្និទ្ធ​នឹង​លោក ឈុន សុភមង្គល ប្រធាន​សាខាគយ​ខេត្ត​ឧត្តរមានជ័យ​បានឲ្យ​ដឹង​ថា ដោយសារ​ចំណាយ​ដើមទុន​អស់​ច្រើន​ក្នុង​ការទទួលបាន​តំណែង​ជា​ប្រធាន​សាខាគយ​ខេត្ត​ឧត្តរមានជ័យ ទើប​លោក ឈុន សុភមង្គល ខំប្រឹង​ស្រង់ដើម​យ៉ាង​តក់ក្រហល់​។

​ក្នុងនោះ ករណី​លោក កែវ សារ៉ាត់ មេ​គយ​ច្រកទ្វារ​អន្តរជាតិ​ជាំ និង​លោក វ៉ាន់ ក្តេ មេ​គយ​ច្រកទ្វារ​អន្តរជាតិ​អូរ​ស្មាច់ ក៏​ដូច​ជា​មេ​គយ​នៅ​ច្រក​ជប់​គគីរ បើកដៃ​ឲ្យ​ឈ្មួញ​ធំៗ​នាំចូល​ទំនិញគេចពន្ធ ទំនិញ​បង់ពន្ធ​មិន​គ្រប់​និង​ទំនិញ​ខុស​ច្បាប់​យ៉ាង​គំហុក​គឺជា​ប្រភព​ចំណូល​ដ៏​ធំ​របស់​លោក ឈុន​សុភមង្គល តែម្តង​។ ដូច្នេះ​លោក អូន ព័ន្ធមុនីរ័ត្ន ដែល​ជា​រដ្ឋមន្ត្រី​ក្រសួង​សេដ្ឋកិច្ច​និង​ហិរញ្ញវត្ថុ មិនគួរ​បណ្តែតបណ្តោយ​តទៅទៀត​ទេ​ព្រោះ​ក្នុង​តំណែង​ជា​ប្រធាន​សាខាគយ​ខេត្ត​ឧត្តរមានជ័យ ចាប់ តាំងពី​អំឡុង​ខែ​មករា ឆ្នាំ​២០១៩ មកដល់ពេលនេះ​គឺ​លោក ឈុន សុភមង្គល បើកដៃ​ឲ្យ​មេៗ​គយ​តាម​ច្រក​ព្រំដែន​ក្នុង​ខេត្ត​ឧត្តរមានជ័យ ប្រព្រឹត្ត​អំពើ​ពុករលួយ​ពេញទំហឹង​៕

ព័ត៌មានគួរចាប់អារម្មណ៍

​មេ​ឈ្មួញ​ឈើ​នៅ​តែ​ធ្វើ​សកម្មភាព​ដឹកជញ្ជូន​ឈើ​ចេញពី​ស្រុក​កែវ​សីមា ខេត្ត​មណ្ឌលគិរី យ៉ាង​គគ្រឹកគគ្រេង អាជ្ញាធរ និង​សមត្ថកិច្ច​មិន​ហ៊ាន​បង្ក្រាប​ (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

លោក អ៊ូ ឆាយ មេ​ឆ្នោត​យួន​ខុសច្បាប់​​រាជធានី​ភ្នំពេញ អាជ្ញាធរ និង​សមត្ថកិច្ច​ពាក់​ពន្ធ៏​មិន​ហ៊ាន​បង្កាប​? (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
5 នាក់
ម្សិលមិញ :
20 នាក់
សប្តាហ៍នេះ :
278 នាក់
ខែនេះ :
1483 នាក់
3 ខែនេះ :
5865 នាក់
សរុប :
304199 នាក់