ថ្ងៃព្រហស្បតិ៍ ទី១៣ ខែឧសភា ឆ្នាំ២០២១
គេហទំព័រ NNC
​ល្បែងស៊ីសង​នៅ​តែ​កើតឡើង​ពេញបន្ទុក​ក្នុង​ស្រុក​មេមត់ ខេត្ត​ត្បូងឃ្មុំ ធ្វើឲ្យប៉ះពាល់​ដល់​សន្តិសុខ​សង្គម​
Sat,06 February 2021 (Time 08:43 AM)
ដោយ ៖ NNC (ចំនួនអ្នកអាន: 64នាក់)

កណ្តាល​, ថ្ងៃទី ០៦ ខែ កុម្ភៈ ឆ្នាំ​២០២១ (​ម៉ោង 2:30)
​ដោយ​៖ ថៃ ប៊ុន​រិទ្ធ​
​សេចក្តីរាយការណ៍​ពី​ប្រជាពលរដ្ឋ​ក្នុងភូមិ​ដា ឃុំ​ដា ស្រុក​មេមត់ ខេត្ត​ត្បូងឃ្មុំ បានឲ្យដឹងថា មកដល់​ពេល​នេះ​ឈ្មោះ លឹម និង​ឈ្មោះ ហេង ម្ចាស់​កាស៊ីណូ នៅ​ច្រក​ដា ហៅ​ច្រក​ដូង​៧​ដើម នៅ​តែ​បើក​ឲ្យ​ពលរដ្ឋ​ខ្មែរ​ចូល​លេង​ល្បែង​បញ្ជល់មាន់ បៀ​អាប៉ោង យូគី យ៉ាង​ពពាក់ពពូន​ជា​រៀងរាល់ថ្ងៃ​។

​សេចក្តីរាយការណ៍​បានឲ្យដឹង​ទៀត​ថា លោក ប៉ែន រ័ត្ន ស្នងការ​នគរបាល​ខេត្ត​ត្បូងឃ្មុំ និង​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ មិន​ចាត់វិធានការ​ទប់ស្កាត់​ករណី​ឈ្មោះ លឹម និង​ឈ្មោះ ហេង ម្ចាស់​កាស៊ីណូ​យីហោ​៦៩ ដែល​បើក​ឲ្យ​ពលរដ្ឋ​ខ្មែរ​ចូល​លេង​ល្បែង​ទាំង​បំពាន​ច្បាប់​នោះទេ​។ ដូច្នេះហើយ​ទើប​ប្រជាពលរដ្ឋ​អំពាវនាវ​ឲ្យ​ថ្នាក់ដឹកនាំ​ក្រសួងមហាផ្ទៃ និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ ពិនិត្យ​ឡើងវិញ​ជា​បន្ទាន់​ព្រោះ​មន្ត្រី​អាជ្ញាធរ​និង​សមត្ថកិច្ច​នគរបាល​ខេត្ត​ត្បូងឃ្មុំ បណ្តោយ​ឲ្យឈ្មោះ លឹម និង​ឈ្មោះ ហេង ធ្វើ​អ្វីៗ​តាម​អំពើ​ចិត្ត​។​

​សេចក្តីរាយការណ៍​ពី​ប្រជាពលរដ្ឋ​បានឲ្យដឹង​ទៀត​ថា ក្នុង​មួយ​ថ្ងៃៗ​មាន​ពលរដ្ឋ​ខ្មែរ​រាប់រយ​រាប់ពាន់នាក់​ចូល​ទៅ​លេង​ល្បែង​បញ្ជល់មាន់ បៀ​អាប៉ោង យូគី នៅ​ក្នុង​កាស៊ីណូ​យីហោ​៦៩ ច្រក​ដា ហៅ​ច្រក​ដូង​៧​ដើម ដោយ​មិន​ខ្លាច​ឆ្លង​ជំងឺ​កូវី​ដ​-១៩ នោះទេ​។ សេចក្តីរាយការណ៍​ខ្លះ​បង្ហើប​ឲ្យដឹងថា មាន​មន្ត្រី​ធំៗ​មួយចំនួន​ក្នុង​ខេត្ត​ត្បូងឃ្មុំ ទទួលបាន​ផលប្រយោជន៍​ពី​ឈ្មោះ លឹម និង​ឈ្មោះ ហេង ម្ចាស់​កាស៊ីណូ​យីហោ​៦៩ ទើប​បណ្តោយ​ឲ្យ​បុគ្គល​២​នាក់​នេះ​ធ្វើ​អ្វីៗ​តាម​អំពើ​ចិត្ត​។ ជាក់ស្តែង​លោក វ៉ា សារិទ្ធ មេបញ្ជាការ​កងរាជអាវុធហត្ថ​ខេត្ត​ត្បូងឃ្មុំ ក៏ដូចជា​លោក ប៉ែន រ័ត្ន ស្នងការ​នគរបាល​ខេត្ត​ត្បូងឃ្មុំ ព្រមទាំង​លោក ជាម ច័ន្ទ​សោភ័ណ អភិបាលខេត្ត​ត្បូងឃ្មុំ រក្សា​ភាព​ស្ងៀមស្ងាត់​ទុក​ឲ្យឈ្មោះ លឹម និង​ឈ្មោះ ហេង ម្ចាស់​កាស៊ីណូ​យីហោ​៦៩ បំពាន​ច្បាប់​តាម​អំពើ​ចិត្ត​។​

​បើតាម​សេចក្តីរាយការណ៍​ការកត់សម្គាល់​ពី​ប្រជាពលរដ្ឋ​ក្នុង​ឃុំ​ដា ស្រុក​មេមត់ បានឲ្យដឹងថា ដោយសារ​ឈ្មោះ លឹម និង​ឈ្មោះ ហេង ម្ចាស់​កាស៊ីណូ​យីហោ​៦៩ បើក​ឲ្យ​ពលរដ្ឋ​ខ្មែរ​ចូល​លេង​ល្បែងស៊ីសង​យ៉ាង​ពពាក់ពពូន​នោះ​ហើយ​ទើប​បច្ចុប្បន្ន​ក្នុង​ឃុំ​ដា កើតមាន​អំពើ​ចោរកម្ម​និង​បទល្មើស​ផ្សេងៗ​គួរ​ឲ្យ​ភ័យខ្លាច​។
​ហេតុ​នេះ​ថ្នាក់ដឹកនាំ​ក្រសួងមហាផ្ទៃ និង​នាយ​ឧត្តមសេនីយ៍ នេ​ត សាវឿន អគ្គស្នងការ​នគរបាល​ជាតិ មិនគួរ​បណ្តែតបណ្តោយ​តទៅទៀត​ទេ ព្រោះ​ឈ្មោះ លឹម និង​ឈ្មោះ ហេង ម្ចាស់​កាស៊ីណូ​យីហោ​៦៩ នៅ​តែ​បើក​ឲ្យ​ពលរដ្ឋ​ខ្មែរ​ចូល​លេង​ល្បែង​យ៉ាង​ពពាក់ពពូន​។

​រីឯ​មន្ត្រី​អាជ្ញាធរ​និង​សមត្ថកិច្ច​ក្នុង​ខេត្ត​ត្បូងឃ្មុំ មិន​ខ្វល់​ពី​ការបង្ក្រាប​ល្បែងស៊ីសង​ដើម្បី​ពង្រឹង​សន្តិសុខ​សង្គម​ឲ្យស្រប​ទៅ​តាម​គោលនយោបាយ​ភូមិ​-​ឃុំ​មាន​សុវត្ថិភាព​ទាំង​៩​ចំណុច​នោះ​ទេ​៕

ព័ត៌មានគួរចាប់អារម្មណ៍

​មេ​ឈ្មួញ​ឈើ​នៅ​តែ​ធ្វើ​សកម្មភាព​ដឹកជញ្ជូន​ឈើ​ចេញពី​ស្រុក​កែវ​សីមា ខេត្ត​មណ្ឌលគិរី យ៉ាង​គគ្រឹកគគ្រេង អាជ្ញាធរ និង​សមត្ថកិច្ច​មិន​ហ៊ាន​បង្ក្រាប​ (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

លោក អ៊ូ ឆាយ មេ​ឆ្នោត​យួន​ខុសច្បាប់​​រាជធានី​ភ្នំពេញ អាជ្ញាធរ និង​សមត្ថកិច្ច​ពាក់​ពន្ធ៏​មិន​ហ៊ាន​បង្កាប​? (ថៃ ប៊ុន​រិទ្ធិ​)

ព័ត៌មានគួរចាប់អារម្មណ៍

ជាប់គុកបានដូចបំណងហើយ កូនតិរច្ឆានទាញដុំឥដ្ឋ វាយម្តាយនិងឪពុកឲ្យរងរបួសយ៉ាងធ្ងន់ ព្រោះតែខឹងម្តាយ ស្តីបន្ទោសឲ្យ រឿងធ្វើឲ្យកង់ដួល តិចតួចសោះ (ចាន់ ថន)

ព័ត៌មានគួរចាប់អារម្មណ៍

ទូរគតជន១៤គ្រួសារ ក្នុងសង្កាត់ព្រែកកំពឺស ខណ្ឌដង្កោ ត្រូវទទួលបានអំណោយឧបត្ថម្ភប្រចាំខែ ពីរូបលោកឧត្តម សេនីយ៌ឯក រ័ត្ន ស្រ៊ាង មេបញ្ជាការកងរាជអាវុធហត្ថរាជធានីភ្នំពេញ (ចាន់ ថន)

ព័ត៌មានគួរចាប់អារម្មណ៍

វាំងននខ្មៅមួយ នៃរឿងរបស់លោក សាយ សុភា កូនលោកអភិបាលស្រុកត្បែងមានជ័យ ជីកកកាយដីភ្នំរបស់ រដ្ឋ ឥឡូវត្រូវបានលោកអភិបាលខេត្ត បើកហើយ ខណៈពេលនេះ (ចាន់ ថន)

វីដែអូ

ចំនួនអ្នកទស្សនា

ថ្ងៃនេះ :
274 នាក់
ម្សិលមិញ :
139 នាក់
សប្តាហ៍នេះ :
1024 នាក់
ខែនេះ :
3425 នាក់
3 ខែនេះ :
13147 នាក់
សរុប :
316652 នាក់